នារសៀលថ្ងៃទី២៥ ខែមីនា ឆ្នាំ២០២២ អគ្គលេខាធិការដ្ឋានព្រឹទ្ធសភា បានរៀបចំពិធីបិទវគ្គបណ្តុះបណ្តាលស្តីពី “កិច្ចការសភា (ជំហានទី៤)” ក្រោមអធិបតីភាពឯកឧត្តម ឡោក ឆាយ អគ្គលេខាធិការរងព្រឹទ្ធសភា នៅសាលសិក្ខាសាលខាងជើងវិមានព្រឹទ្ធសភា។
វគ្គបណ្តុះបណ្តាលខាងលើនេះ សិក្សារៀងរាល់ថ្ងៃសុក្រ ចាប់ពីថ្ងៃទី២១ ខែមករា ដល់ថ្ងៃទី២៥ ខែមីនា ឆ្នាំ២០២២ សិក្សាតាមប្រព័ន្ធវីដេអូ (Zoom) ដែលឧទ្ទេសនាមដោយឯកឧត្តម ប៊ុន វុទ្ធា អគ្គនាយក នៃអគ្គនាយកដ្ឋានសេវាច្បាប់ និងសមូហភាពដែនដី នៃអគ្គលេខាធិការដ្ឋានព្រឹទ្ធសភា ដោយមានសិក្ខាកាមចូលរួមចំនួន៣២នាក់ (ស្រី១៧នាក់ និងបុរស១៥នាក់) សិក្ខាកាមជាមន្ត្រីរាជការជាថ្នាក់អនុប្រធាន និងប្រធានការិយាល័យ មកពីគ្រប់អង្គចំណុះឱ្យអគ្គលេខាធិការដ្ឋានព្រឹទ្ធសភា៕